Қазақстан Республикасының «Салық және бюджетке төленетiн басқа да мiндеттi төлемдер туралы» Кодексiнiң (бұдан әрi – Салық кодексi) 391 және  409  баптарымен жеке тұлғалардың мүлiк және жер салықтарының  төлеу мерзiмдерi бекiтiлген. Бұл мерзiмдер ағымдағы  жылдың 01 қазанында өтiп кеттi.

Салық кодексiнiң  369  бабына сәйкес жеке тұлғалардың көлiк құралдарына салынатын салықтың төлеу мерзiмi  2016  жылдың  31 желтоқсанында  аяқталады.

Бүгiнгi  күнде  облыс бойынша  жеке тұлғалардың аталған  салықтарының жалпы  берешек сомасы  90 541 борышкерден  293,0 млн теңгенi  құрайды.

Берешек сомаларды өндiру мақсатында облыстық  мемлекеттiк  кiрiстер  департаментiмен (бұдан әрi – Департамент)  жыл басынан сот органдарына жалпы 314,0  млн  теңгеге  89 906 талап арыздар жолданған, одан бюджетке 120,4 млн теңге  37 573  борышкерлерден  өндiрiлдi.

Көлiк салығынан  131,0 млн теңгеге 9 426 хабарламалар жолданып, олар бойынша төлемге 7 768  борышкерлер  80,8 млн теңгеге тартылды.

Сонымен қатар, қарыз сомаларды өндiру  үшiн  сот орындаушылар және  уәкiлеттi органдармен бiрлескен  iс-шаралар жүргiзiлдi.

Сот орындаушыларымен жалпы жыл басынан 158,8 млн теңгеге  36 535 борышкерлердің мүлкіне тыйым салынып, 147,5 млн теңгеге  36 131  борышкерлерге Қазақстан Республикасы аумағынан шығуға шектеу қойылды. Қолданылған шаралар нәтижесінде  25 166 борышкерлер 88,7 млн теңгеге төлемге тартылды.

Сондай-ақ, Департамент тарапынан  Жамбыл облысы ІІД Әкімшілік полиция басқармасымен бірлескен  рейдтік іс-шаралар жүргізіліп, нәтижесімен 697 борышкерлер 13,9 млн теңгеге төлемге тартылды.

Алайда, берешек сомаларды өндіру үшін жан-жақты қолданылып жатқан шараларға қарамастан, бүгінгі күнде борышкерлер арасында мемлекеттік қызметшілер, депутаттар, мемлекеттік және коммуналдық мекемелердің басшылары мен олардың жұбайлары да бар. Мысалы,

Өкінішке орай, борышкерлер тізімдерінде Мемлекеттік кірістер департаментінің қызметкерлері де болғанын айта кету керек. Бұл қызметкерлер  тәртіптік жауапкершілікке тартылып, бүгінде бюджет алдындағы қарыздарын  толығымен өтеді.

Қазақстан Республикасының Конституциясының 35 бабымен «Заңды түрде белгіленген салықтарды, алымдарды және өзге де міндетті төлемдерді төлеу әркімнің борышы әрі міндеті болып табылады» деп белгіленген.

Ал уақытылы төленбеген салықтар  бюджеттің кіріс бөлігіне өз  ауыртпалығын тигізбей қоймайды, ол өз кезегінде өңіріміздің әлеуметтік-экономикалық дамуына, зейнетақы, жәрдемақы, жалақылардың уақытылы төленуіне де әсер етеді.

Осы мәселелерге байланысты облыстық мемлекеттік кірістер Департаменті  тағы да бюджетке салықтарды төлеу міндеттемесін уақытылы орындау туралы ескертеді.

Әрбір салық төлеуші салықтық берешек сомаларды Қазақстан Республикасы Қаржы Министрлігі Мемлекеттік кірістер Комитетінің  www.kgd.gov.kz  ресми сайтының  «Салықтық берешегінің жоқ (бар)  екендігі туралы мәліметтер»  бөлігінен көре алады.

Жер және мүлікке салынатын салықтар салық салу объектісінің орналасқан жері бойынша, ал көлік құралына салынатын салық салық төлеушінің  тұрғылықты жері бойынша төленеді.