1 қазан - қарттар күні!

1991 жылдан бастап жыл сайын 1 қазанда Халықаралық қарттар күні атап өтіледі.

Бұл мереке БҰҰ Бас Ассамблеясының 45-сессиясында Халықаралық қарттар күні деген атпен жарияланды. Кейіннен БҰҰ құжаттарында «Халықаралық қарттар күні» атауы бекітілді.

Қарттық – алтын уақыт десе, күз мезгілін алтын уақыт деп те атайды, сондықтан да күз мезгілінің қызған шағында аға ұрпаққа ерекше күн бөлу туралы шешім қабылданған.

Қазақстанда қарт адамдар 2 миллионнан астам адамды құрайды.

Бұл күні біз аға буын өкілдеріне ерекше алғысымызды білдіреміз.

Сіздердің тәжірибелеріңіз ұрпақ үшін баға жетпес құндылық, ал біз Сіздердің лайықты ізбасарларыңыз болуға тырысамыз.

Бүгін де лайықты демалыста бола тұра, Сіздер әлі де белсенді өмір салтын ұстанып, бар білімдеріңіз бен тәжірибелеріңізбен жас ұрпақпен бөлісудесіздер.

Сіздерге зор денсаулық, отбасыларыңызға тыныштық пен жылулық, ұзақ ғұмыр мен қуанышты күндер тілейміз!